Of a' the Airts

Jean Armour Pictured in Later Life

This short song is another declaration of Burns's love for his wife, Jean.

Of a' the airts the wind can blaw
I dearly like the west,
For there the bonie lassie lives,
The lassie I lo'e best.
There wild woods grow, and rivers row,
And monie a hill between,
But day and night my fancy's flight
Is ever wi' my Jean.

I see her in the dewy flowers -
I see her sweet and fair.
I hear her in the tuneful birds -
I hear her charm the air.
There's not a bonie flower that springs
By fountain, shaw, or green,
There's not a bonie bird that sings,
But minds me o' my Jean.